أكد الإعلامي أحمد موسى أن الأندية الكبرى تبحث عن ضم أفضل اللاعبين، مشيرا إلى أن كرة القدم تعيش عصر الاحتراف.
وقال موسى خلال برنامج "على مسؤوليتي" المذاع على قناة "صدى البلد": "احنا في احتراف، لاعب وأندية تبحث عن أفضل ما لديها واللي عنده فلوس يقدر يشتري ويشيل ويجيب اللاعبية اللي عنده".
وأضاف: "الأهلي عنده ورايح كأس العالم للأندية فبيدور على أحسن اللاعيبة جوه مصر وبرا مصر هو ده الاحتراف والأهلي عنده فلوس، الناس عماله تحسب هو الأهلي عنده منين فلوس؟ عنده شركات رياضية ورعايات هي الأكبر وبث هي الأكبر ورايح كأس العالم للأندية وبياخد ملايين ملايين".
وتابع: "الأهلي بياخد بطولات كتير جدا فبتجيب له عائد وهي دي الأندية، ريال مدريد بيبقي كده ليه ولا برشلونة مهو بياخد بطولات وعنده تسويق وحقوق بتدخله مئات ملايين لو بتسأل عن أمواله هي دي أموال النادي الأهلي ونادي الزمالك يستحق كمان يعمل كده ويشتغلوا على كده".
وأوضح: "النهاردة اللي شفته في الماتش حاجة تزعل ونادي الزمالك بيلعب باسم مصر وأنا أي فريق مصري بيلعب خارج المحلي بنشجعه والنهاردة كنت عايز الزمالك يبقي في الكونفيدرالية بعد ما خرج المصري أمبارح".
وأكمل: "الأهلي وبيراميدز صعدوا لنصف النهائي وهنلاعب صن داونز الأسبوع اللي بعد اللي جاي وقد يصل الأهلي وبيراميدز إلى نهائي دوري الأبطال".
واختتم: "واجب على مجلس إدارة نادي الزمالك يخرج يتكلم لجمهوره ويطلعوا حتى بيان ومينفعش الأمور رايحة جاية كده مجلس إدارة يتحمل المسؤولية وأنا عندي ثقة في كابتن حسين لبيب".
