اشتكى عدد من ملاك أحد مشروعات شركة إعمار مصر، من وجود حوادث وأعمال بلطجة داخل مشروع ميفيدا.
وقالت إحدي المتضررات،" اعمل ايه مع اعمار مصر في المشكله التاليه وكمان ده بوست تحذيري من المطور اعمار: "اعمار لما اشترينا بيوتنا في ميفيدا قالتلنا دي طبعا منطقه سكنيه خاصه ولكن حاليا احنا ساكنين في اي حاجه غير منطقه سكنيه خاصة اولا طبعا المنطقه التجاريه The Lake District كانوا متفقين معانا علي نوعية محال معينه هي ال تفتح luxury brands وان نسبة المقاهي والمطاعم حاتبقي قليله علشان الزحمه والاشغال واتلاف المرافق وعلي اساس كده وافقنا واشترينا فوجئنا نوعية محال ومطاعم ومقاهي غير المتفق عليها تماما ومعظمها مقاهي ومطاعم ..وده بيؤدي ان المطاعم والمحال حاليا عامل دوشه وزحمه رهيبه واحنا كملاك مابقيناش عارفين ولانركن ولانخرج في الكومباوند ال بندفع فيه فروق صيانه محترمه وطبعا الاهلاك غير طبيعي للمرافق واللاندسكيب وادفعوا ياملاك".
وتابعت ،"وحصلت حوادث كتير بسبب المنطقه التجاريه زي أن المراهقين ضربوا احد جيرانا بالسكين وده لانه كان مضايق من الزحام والدوشه دخل احد المراهقين محمود الفار واشتري سكينه وضرب جارنا (حاطه سكرينشوت للحادثه ال نشرناها علي صفحتنا كملاك)..٢ فرد أمن مراهق شالهم علي كبوت العربيه لأنهم كانوا بيمنعوه فاتحرك بالعربيه وشالهم علي الكبوت ومشي بالعربيه بسرعه فطبعا وقعوا واتعوروا ودخلوا المستشفي( حاطه سكرينشوت) وخلافه وغير كده من حوادث كتير ومتكرره ومؤرفه دول مش الحادثتين الوحيدتين الي الآن كل خميس حادثه ...هل اعمار بعد هذه الحوادث قللت الزحام او حاولت تسيطر علي اي حاجه ...الاجابه لا طبعا كلها اجراءات كرتونيه والنتيجه زحام وحوادث واستهلاك لمرافق احنا ال بندفه ثمن صيانتها".
واستطردت،" مؤخرا مش يسكتوا لا اخترعوا ماراثون عندنا في ميفيدا برعاية منظمين وفين جوه المنطقه السكنيه وال هي اصلا مش من حقهم اختراقها او استغلالها لانه كمباوند للملاك وليس منطقه عامه. الناس تدخل بالمئات تمشي وتجرح خصوصية المكان وتتصور وكمان كان في درونز بتصور.....بل ولم يستأذنونا قبل تنظيم الحدث ده وكمان كذبوا علينا كالعاده أن دول السكان واصحابهم داخلين ب QRcode وطبعا ده كذب وحاطه تنظيم فعاليات الماراثون من صفحات المنظمين ...يعني لابيراعوا خصوصيتنا ولا حتي بيستأذنونا وده طبعا للدعايه للكومباوند الجديد ميفيدا جاردنز !!! واتكلمت مع مدير الكونيونتي وعملنا شكاوي كتير جدا لاعمار دبي وبرضو مش حايلغوا الماراثون ومصرين يقولوا دول مالك وجايب اصحابه ازاي نمنعهم!!!وده طبعا مش حقيقي المالك ممكن يجيب صاحبه لكن مش مئات من الأصحاب كل أسبوع وكمان بقي علي صفحات المنظمين للفعاليات الناس بتدخل تسأل تروح اي فعاليه فيردوا يقولوا لو عايز كذا روح ميفيدا ولو كذا روح كذا ...يعني فعاليات منظمه ...ولو فرضنا مالك بينظم فعاليات فده مفروض يتمنع للخصوصيه واتذكر اني كنت عايزه اعمل فوتوسيشن شخصي ولاصورت فيلل ولاحاجه منعوني علشان الخصوصيه ومش باين في الصوره غيري انا !!!!! وساعتها احترمت القرار".
وتابعت: "يعني تدخل المئات يتمشوا ويتصوروا و يتفرجوا بنفسهم ويستغلوا المرافق والحمامات ويدمروا اللاندسكيب اوك لكن مالك ياخد كام صوره لا؟؟ طبعا مفهوم أن الربحيه هي المحرك ...في ربحيه سواء ماديه او دعائيه اوك ...مافيش يبقي ممنوع ...وطبعا قواعد كتير وممنوع كتير علشان طبعا حاتقع في مخالفه وساعتها تدفع طبعا اقل شيء ١٠ الاف جنيه اي مخالفه!!!! طب ازاي عايزين حد يشتري عندكم وانتم اخر حاجه بتراعوها عملائكم ....فروق صيانه باهظه بدون اي خدمات صيانه محترمه الاسوار بتاعة البارسيلز كلها تمليح وشروخ والطرق كلها قمامه طول مابامشي أكياس وكانز حاجه ساقعه وخلافه
وقالت: "نصيحه استثمروا في اي حاجه غير العقارات وبالذات اعمار لان ببساطه ممكن تاخد كل خدماتهم من غير ماتشتري تدخل تتمشي وتجري وتخرج وتتفرج علي الناس في بيوتها وتصور وكله وتستهلك لاندسكيب وحمامات وخلافه من غير مادفع....ال بيدفع الملاك ال مابيستمتعوش بال بيدفعوه لا وكمان بيدفعوا غرامات وكله بالقانون والاستفزاز واصل أن بنود القانون ال واضعاه اعمار وبتبيع بيه بيقول ان استقبال الملاك للضيوف اللذين يستهلكون المرافق مش في بيته الخاص لايتجاوز ٨ واي تلافيات يتحملها المالك".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
