علق الإعلامي أحمد موسى على قرار الرئيس الأمريكي دونالد ترامب بشأن وقف تمويل قناة الحرة الإخبارية.
وقال موسى خلال برنامج "على مسؤوليتي" المذاع على قناة "صدى البلد": "الحرة قناة أمريكية والخارجية الأمريكية بعد غزو العراق في 2003 عملوا القناة دي وعملوا منها فرع كمان اسمه الحرة عراق وهي ناطقة بالعربية وموجهة لينا وكانت قناة تستهدف بلادنا بشكل واضح".
وأضاف: "تستهدف مؤسساتنا بشكل واضح حتى ضيوفهم ولو مرة عديت وبتقلب متقدرش تقعد قدامها دقيقتين تلاتة ولكن تجد أنواع من الضيوف، كان معظم اللي بيطلعوا عليها عندهم مواقف معادية للبلد ومؤسساتها والرئيس والقوات المسلحة والشرطة والقضاء وحتى من الإعلام".
وتابع: "دائما قناة الحرة الأمريكية اللي ترامب قرر أنه مش هنديهم تمويل، قالهم كده الحكومة الأمريكية بتمولكم مش هنديكم تمويل خلاص يقفلوا بقي، قالك والله طيب نقفل أو نعمل ايه الوضع عندنا ايه النهاردة؟ فقرروا يبدأوا في تسريح الموظفين".
وواصل: "هي قناة بصراحة غير مؤثرة إلا للخطاب الأمريكي وكانت مسؤولة كبيرة عن الإعلام في أمريكا كانت عاملة تقرير مطول بتتكلم فيه على أن هذه القناة كانت بتشغل جواسيس وكانت بتشغل عناصر إرهابية وداعمة للإرهاب".
وأوضح: "هو انتوا لسة النهاردة فاكرين؟ انتوا لسة فاكرين أنهم بيطلعوا عناصر إرهابية على القناة دي؟ والأكتر من كده اكتشفوا أنهم بيشتروا مباني وبيتكلف 250 مليون دولار مثلا وأن في وسيط أحد عمولة فضايح داخل قناة الحرة".
وأكمل: "بيتكلموا أنهم كانوا بيتعاقدوا مع شركات إخبارية بملايين الدولارات ولم تحقق أي شيء وليس لها أي تأثير وقالك مئات الملايين من الدولارات".
واختتم: "كانوا بيخلوا الناس تطلع لازدراء الأديان في بعض الأوقات، ترامب واخد قرارات النهاردة حتى بعض الجامعات بيشيل عنها المنح".
