السياحة واحد من اهم الملفات اللي الدولة حاطة امل كبيرة ليها لتوفير موارد دولارية لمصر جديدة... ياتري مصر بتتحرك ازاي في الملف ده.. واية اللي بتستهدفة مصر خلال 2025.. وازاي مصر بتروج لنفسها في ظل الظروف والتوترات الجيوسياسية الموجودة حاليا.
السياحة واحدة من الملفات اللي الحكوم حاطة امل عليها لتحقيق مورد دولاري كبير خلال 2025، خصوصا أن الحكومة بتستهدف الوصول لتحقيق 18 مليون سائح وتحقيق 18 مليار دولار كايرادات للقطاع مع نهاية السنة، وعلشان نكون واضحين أن الرقم ده في عز الظروف اللي بتمر بيها منطقة الشرق الأوسط والتوترات الجيوسياسية اللي موجودة حاليا صعب جدا علي الحكومة تحقيقه الا في حالات محددة والحالات دي بدأت الحكومة تشتغل عليها وتنفذها.
أول حاجة الحكومة بتستهدفها علشان نحقق الـ18 مليون سائح، وكمان نكسر الرقم ده هو جهود الترويج السياحي ودي الاداة الاساسية لأي دولة في العالم عايزة تعرف الناس المنتج اللي بتقدمه للزائرين اللي عايزين يخرجوا يقضوا وقت جميل أو اجازة خارجية في اي دولة، والوسيلة دي مصر علي مدار تاريخيها كانت بتعرف تعملها كويس، ولكن التوترات الجيوسياسية الأخيرة خلت أغلب الزائرين في مختلف دول العالم يكونوا عندهم تخوف من النزول لمنطقة الشرق الأوسط بسبب الأحداث الحالية، وبالتالي الدولة حاليا بتبعت رسائل بطريقة غير مباشرة عن مدي الأمن والامان اللي متوفرين في مصر وأن مصر بعيدة تماما عن الأحداث.
" title="ضربة السيسي اللي وفرت لمصر مليارات الدولارت..تحرك جريء في ملف مهم" frameborder="0">
أول واهم رسالة مصر بعتتها للتأكيد علي توافر معايير الأمن والأمان عندها، كانت من الرئيس عبدالفتاح السيسي واللي حرص علي اصطحاب نظيره الفرنسي إيمانويل ماكرون في جولة بمصر القديمة وشارع المعز، وكمان قعدوا علي قهوة، وسط حشود الجماهير والمشهد ده نقله كل وسائل الإعلام المصرية والعالمية عن قيام رئيس دولة من أكبر دول أوروبا نازل وسط الناس بدون أي خوف، وبرهن للعالم كله ادي اية الشعب المصري عايش في أمن وأمان ، والصورة دي وفرت علي مصر مليارات كتيرة جدا كانت الدولة بتخصصهم علشان توصل رسالة إعلامية خارجية هدفها الاساسي الترويج للسياحة المصرية وتوافر عاملي الأمن والأمان في ظل الاحداث السياسية المستمرة في الشرق الاوسط.
مصر حاليا بتستعد كمان لافتتاح المتحف المصري الكبير واللي هيكون يوم 3 يوليو اللي جاي واللي هيكون وسيلة لمصر لزيادة الاقبال السياحي عليها من الخارج، وهيساعد الحكومة كمان في خطتها للوصول لتحقيق 30 مليون سائح وتحقيق 30 مليار دولار كايرادات في 2028.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
