فجّر أحمد سيد "زيزو"، نجم نادي الزمالك، مفاجأة من العيار الثقيل بشأن مستقبله مع القلعة البيضاء، مؤكدًا أنه لا يمانع الابتعاد عن المشاركة حتى نهاية الموسم، في ظل ما وصفه بسوء أرضية الملاعب وضغط المباريات الذي تسبب في إصابته.
وقال زيزو في تصريحات نقلها الإعلامي هاني حتحوت: "لو الزمالك عايز يحرمني من المشاركة لنهاية الموسم؟! ياريت، أنا أصلاً محتاج راحة. كنت ممكن أزعل لو القرار ده اتاخد في يناير أو الصيف اللي فات، لكن دلوقتي أنا محتاج أريح جسمي."
وأضاف: "أنا ناقصلي تكة واحدة، لو فعلاً طلع بيان وقالوا فيه إني أنا اللي بايع، أحب أقول إن بيان رحيلي عن الزمالك جاهز ومكتوب، وساعتها هأوضح كل الحقائق. لكن لحد آخر لحظة، سايب الموضوع عند الزمالك."
وكشف زيزو عن معاناته من إصابة مزمنة، موضحًا: "عندي التهابات في وتر أكيليس بقالها 3 شهور، بسبب سوء أرضية الملاعب وضغط المباريات اللي لعبناها الفترة اللي فاتت."
وعن سبب تفضيله الانتقال إلى الأهلي بدلًا من الاحتراف في الخليج، قال: "الكلام عن الخليج كان ينفع من زمان، لكن دلوقتي عندي هدف كبير وهو بطولة أمم إفريقيا، ولازم أكون موجود فيها كلاعب أساسي.
وتابع: كأس العالم 2026 حلم حياتي، ومحتاج أكون جاهز للمشاركة."
وتابع: "وجودي في مصر وبالتحديد في الأهلي هيساعدني أحافظ على نفس الفورمة والتنافسية اللي تحققلي حلمي، وكمان ميزة كأس العالم للأندية مع الأهلي هتكون مهمة جدًا لو حصل الانتقال."
واختتم زيزو حديثه قائلًا: "أنا لاعب محترف، وسألعب حتى آخر ثانية، وأنتظر تحديد الموقف النهائي من الزمالك."
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
